LAOAG CITY – Nagpanawagan ti Criminal Investigation and Detection Group (CIDG) iti publiko a liklikan ti espekulasion a mabalin a mangitunda ti saan a pannakaurnos ti naipila a reklamo kontra ken ni dati a Presidente Rodrigo Duterte.
Inbatad ni Criminal Investigation and Detection Group Director PMGen. Nicolas Torre III, nasken nga irespetar dagiti tattao ti legal a proseso.
Naammoan nga idi kalman ket inpila ni Torre iti Department of Justice (DOJ) ti inciting to sedition ken unlawful utterance kontra iti dati a Presidente seknan iti nagbalin a rakurakna a panangpatay kadagiti incumbent senators.
Kuna ni Torre, saan a napintas nga agibbat ti sarita ken a saan nga agbayag ket ibaga ti dati a Presidente nga angaw laeng daytoy gapu ta mabalin a seryosoen dagiti sumupsuporta ken ni Duterte kas ti pangideklararna iti war on drugs.
Naglikudan ni Torre nga addaan daytoy ti political motive iti panangipila ti kaso kontra iti dati a Presidente.
