LAOAG CITY – Agkidkiddaw ti Criminal Investigation and Detention Group (CIDG) iti Department of Justice (DOJ) a mangiparuk-atda ti immigration lookout bulletin kontra kadagiti persons of interest mainaig iti pannakalmes dagiti dua nga estudiante ti Ateneo de Manila University.
Inbatad ni Criminal Investigation and Detention Group Director Maj. Gen. Robert Alexander Morico II a no adda makitada nga immigration lookout bulletin ket insigida nga agbinnulig ti Department of Justice ken Bureau of Immigration a mangaramat ti monitoring kadagitoy sumagmamano a personalidad.
Kunna a maysa kadagiti biktima ket maysa a foreign national isu a kasapulan nga addaan ti immigration lookout bulletin.
Maipalagip a nagatendar da Rene Baterbonia ken Divine Adili idi Lunes iti maysa a team building activities iti maysa a beach resort iti Dipaculao, Aurora a lugar ken aldaw a nakatayanda.
