LAOAG CITY – Paigetan ti Criminal Investigation and Detection Group ti panagawat kadagiti mapan bumisita ken ni Senador Rodante Marcoleta iti PNP-General Hospital.
Daytoy ket kalpasan a dinillaw ti Sandiganbayan gapu iti panangipalubos da ti ibibisita da Vice President Sara Duterte ken Senador Robin Padilla iti senador idinto a nadiagnose daytoy ti mild pneumonia.
Inbatad ni CIDG National Capital Region PCol. John Guiagui a personal request ni Marcoleta ti ibibisita da Duterte ken Padilla.
Kuna na pay a ti kaado dagiti nagkiddaw a mapan mangbisita ken ni Marcoleta ket da laeng Duterte ken Padilaa ti napalubusan.
Iti baet daytoy, inpasingked na nga aramiden da amin a maiyannatop a restrictions kadagiti bumisbisita ken ti laeng pamilya ken legal team na ti palubusan dan.
Innayon na a no bilang adda ti personal request ken dumalan paylaeng nga umuna daytoy iti Criminal Investigation and Detection Group para iti evaluation.
Kabayatanna, saan met pay a maibaga ni Guiagui no kaanu a makaruwar iti PNP General Hospital ni Marcoleta.
Kuna na a nakadepende ti iruruwar ni Marcoleta iti PNP General Hospital iti medical clearance nga ipaay dagiti doctor.
