LAOAG CITY – Inlawlawag ni Dr. Joseph Adaya, mangidadaulo iti Laoag City Health Office no siasino ti mabalin laeng nga agiparuk-at ti datos mainaig iti Covid-19 case.
Kuna ni Adaya nga adda ti in-charge a nurse nga isu ti mang-consolidate kadagiti amin a datos manipod kadagiti contact tracers.
Inlawlawagna a saan a mabalin a mangited ti datos dagiti contact tracers gapu ta ti laeng contract trcing ti trabaho dagitoy.
Nunganay ti panangilawlawag ti doktor iti nasao a banag kalpasan nga adda ti rimmuar nga isyu nga adda ti agak-akem a supervisor ti Covid-19 a saan met a nadutukan iti laksid nga addan ti immuna a mangiparparuk-at ti datos.
