LAOAG CITY – Epektibo iti panagkikinamayet iti opisina ti City Social Welfare and Development, Philippine National Police ken Women and Children Protection Desk ditoy siudad ti Laoag ti panangmonitorda kadagiti Badjao nga agpalpalama iti kalsada.
Daytoy ti inpakaammo ni Mrs. Perlita Cabello, ti officer in-charge ti City Social Welfare and Development Office ditoy ciudad ti laoag .
Segun kenni Cabello, ti naudi a pannakakita da kadagiti badjao nga agpalpalama ditoy ciudad ti Laoag ket idi Disyembre iti napalabas a tawen.
Impasigurado na nga innaldaw nga adda iti mangmonmonitor kadagitoy ti aglawlaw tapno masigurado nga awanen dagiti badjao nga umay ditoy siudad nga agpalama .
Immunan nga inlawlawag ni Cabello nga adda ti linteg a mangipawil ti panagdawat ti kwarta wenno ti panagpalpalama.
