LAOAG CITY – Inbilin ni Supreme Court Chief Justice Diosdado Peralta kadagiti amin nga empleado ti Marcos Hall of Justice a masapol a maiyimplementar dagiti nagbaliwan ti civil procedure.
Inaramid daytoy ni Peralta kabayatan ti panagpasyar na iti Marcos Hall of Justice ditoy ciudad ti Laoag.
Inbatad na a masapol laeng ti statement dagiti testigo ken iti civil cases ket masapol a maaramid babaen ti affidavit, amin a pleadings ket masapol a mapagbalin a simple, ken suruten amin a naipalaon iti baro a civil procedure.
Innayon ni Peralta nga adu pay ti napatpateg a trataren dagiti korte, kangrunaan na dagiti criminal cases isut gapuna a no kayat a mapaalisto ti pannakasolbar ti kaso ket masapol a maipatungpal ti reporma kadagiti legal offices.
