LAOAG CITY – Inbasura ti Commission on Election (COMELEC) ti petision nga agkidkiddaw a madiskualipikar ti nakabalod a ni Pastor Apollo Quiboloy iti panagpaidasigna iti 2025 election.
Basar iti desision ti Comelec First Division a saan a naallukoy ti petitioner isuda no apay a maibilang a nuisance candidate ni Quiboloy.
Nailanad iti petition nga inpila ni labor leader Sonny Matula a gapu iti material misrepresentation isu a nasken a madiskualipikar ni Quiboloy.
Awan ti pangibasaran iti nominasion ni Quiboloy ti Workers’ and Peasant Party (WPP) a maipagarup a pinirmaan ti maysa nga agnagan ti Mark Tolentino ti nomination of acceptance ti dati a Pastor.
Rumrummuar a saan nga opisial wenno miembro ti Workers’ and Peasant Party ni Tolentino isu a rumbeng laeng nga ibasura daytoyen.
Innayon pay ti Commission on Election a ti panangisubmitir ti saan nga otorisado a CONA ket saan a mabalin a material misrepresentation.
