LAOAG CITY – Nagballaag ni Commission on Elections (Comelec) Chairman George Erwin Garcia kontra kadagiti kandidato a mairaman iti premature campaigning para iti Barangay at Sangguniang Kabataan Elections (BSKE) a sumango iti maiyannatop a pannusa.
Inlawlawag ni Garcia a dagiti agpila ti kandidatura na manipod Setyembre 28 agingga iti Oktubre 5 ita a tawen ket maibilang da a kandidato sakbay pay ti panangrugi ti panawen ti kampanya intono a Oktubre 22, 2026, iti babaen ti manual election.
Iti met automated elections, dagiti aspirant ket maibilang a kandidato paylaeng apaman a mangrugi ti panawen ti kampaniya.
Gapu iti daytoy, kuna ni Garcia a dagiti kandidato nga agpila ti kandidatura na iti Setyembre 28 agingga iti Oktubre 5, ken makita nga agkampanya, makasoan dagitoy a mabalin a pakabaludan da manipod maysa agingga iti innem a tawen, ken diskwalipikasyon nga agiggem ti posisyon iti gobyerno.
Inpalagip pay ti Comelec official a maipawil ti panagusar ti resources ti gobyerno iti panagkampany aglalo kadagiti nakatugaw nga opisyal, a naiget nga imonitor ti poll body.
Ti campaign period ket maipatungpal manipod Oktubre 22 agingga iti Oktubre 31 ti agdama a tawen idinto a maisayangkat ti mismo a local elections intono Nobiyembre 2, 2026.
