LAOAG CITY – Pagpanpanunotan ti Sang. Panlungsod partikular ti Committee on Transportation no ikkan da iti maudi a gundaway wenno idalan da iti raffle draw dagiti spot ti Baranggay Tricycle Franchise kalpasan a saan a nagatendar dagiti dadduma nga addaan ti prangkisa iti naiwayat a public hearing.
Segun ken ni Sang. Panlungsod Bryan Alcid, mangidadaulo ti Committee on Transportation, agdagop ti 100 a Tricycle Operators ti nangipila ti amnesty ken bayat a maipasa ti ordinansa ket mapakaammuan dagitoy ken maikkan da ti oras tapno makaipila ti amnesty da.
Ngem no saan da a makaipila iti manesty itilas-od ti nai-eskedyul a panawen ket ditoy a paganunutan da no ipa-raffle da wenno ited da iti sabali.
Namunganay daytoy kalpasan nga adda dagiti sumagmamano nga operator ti tricycle a naglako ken immakar ti prangkisa.
Malaksid iti daytoy, ket adda dagiti sumagmamano a concerns dagiti miembro ti prangkisa, maysa ditoy ti pannakaipababa ti multa no sadinno manamnama a matratar iti sumaruno a session.
