LAOAG CITY – Pinalen nga isayangkat ti Provincial Government of Ilocos Norte wenno PGIN babaen iti Provincial Nutrition Action Office wenno PNAO ti Community Outreach Program inton Hulio 29.
Inlawlawag ni Mrs. Elma Irapta, Provincial Nutrition Action Officer nga imbes a maisayangkat ita nga aldaw, Hulio 23 no sadinno a daytoy ti kangrunaan nga aktibidad iti selebrasion ti nutrition month ditoy probinsia.
Nupay kasta, kunana a manarimaan pay laeng ti pannakikoordinarda ditoy siudad ti Laoag.
Kunana a daytoy ket iti babaen ti nagkikinnammayet a nagduduma nga ahensia ti Provincial Government of Ilocos Norte (PGIN) kas iti Provincial Social Welfare Development Office (PSWDO) nga agibunong ti foodpack, ENRO a mangipaay ti seedlings, Office of the Provincial Agriculturist (OPAG) mangipaay ti bin-i a bukbukel ti natnateng, Provincial Health Office (PHO) mangipaay ti hygiene kit, Department of Science and Technology (DOST) iron fortified rice, Philippine Carabao Center (PCC) pasteurized milk, Development Bank of the Philippines (DBP) nutribun ken ti Provincial Nutrition Action Office (PNAO) ti Pinggang Pinoy ken pregnant biscuits.
Mainaig iti daytoy, innayonna a karaman pay a maiyuswat ti aktibidad a coastal clean-up ken backyard fruit tree planting.
Kabayatanna, manmanmana ni Irapta a maipinalen iti mabiit ti lugar a pakaisayangkatan dagiti nasao nga aktibidad.
