LAOAG CITY – Naarestar ti maysa a wanted person babaen ti inyuswat a joint operation ti PNP Pamplona, Cagayan ken iti Ilocos Norte Provincial Mobile Force Company nga indaulwan ni Pol. Lt. Col Mar Louise Bondoc.
Nabigbig ti suspek a ni Sonnny Boy Bareng y Corpuz, agtawen 31, addaan ti live in partner, construction worker ken residente iti barangay 62-b Navatos ditoy siudad ngem agdama nga agnanaed idiay Pamplona, Cagayan.
Ti suspek ket naarestar babaen ti bileg ti warrant of arrest nga inparuk-at ti RTC branch 11 ditoy siudad gapo ti panagsalungasing na ti kaso nga acts of lasciviousness.
Kabayatanna, nairekomendar ti 36,00 a piyansa ti suspek para iti temporaryo a pannakawaya-waya na.
