LAOAG CITY – Plano ti Department of Agriculture a rugianen ti pannakaipatungpal ti P5-bilyon a buffer fund inton sumaruno a tawen.
Inbatad ni Agriculture Secretary Francisco Tiu Laurel Jr., gagem daytoy a mailako dagiti stocks dagiti basic commodities kas kadagiti bagas ken karne iti nalaklaka a balor tunggal adda ti kinakurangna ti suplay ken mangallilaw kadagiti presio iti merkado.
Inaprobaran ni Presidente Ferdinand Marcos Jr. ti nasao a panangpundo ken naammoanda no ayanno ti pagkautanda iti daytoy.
Innayonna a saan pay laeng a mabalin a talantanen ti panangalaanda ti pundo gapu ta adu pay ti options a pagsasaritaanda.
