LAOAG CITY – Napagtalinaed ti Dagupan City ti pwesto da iti naiparuk-at nga official medal tally iti kaliplippas a Region 1 Athletic Association (R1AA) Meet na naiyuswat ditoy probinsya nga Ilocos Norte.
Iti medal tally, nakagun-od ti Dagupan City ti 87 a balitok a medalya, 64 a silver ken 55 na bronze, idinto nga adda iti maikadwa ti Pangasinan 2 nga addaan ti 57 gold medal, 52 silver medal ken 43 bronze medal.
Adda met iti maikatlo a pwesto ti Ilocos Norte nga addaan ti 56 a balitok a medalya, 39 a silver medal ken 61 bronze.
Maikapat met ti Pangasinan 1 a nakaala ti 42 gold medal, 41 silver medal ken 45 bronze medal.
Inlawlawag dagiti opisyal ti R1AA nga awan ti maibilang nga overall ranking ita a tawen.
