LAOAG CITY – Mangipaay ti dakkel a korporasyon iti Pilipinas ti tulong kadagiti mannalon ken dagiti apektado ti African Swine Fever (ASF) virus ditoy ciudad ti Laoag.
Daytoy ti inbatad ni Doctor Charito Malicad, ti Information Officer ditoy ciudad.
Segun kenkuana, maikkan ti kada recipient ket makaawat ti 50 agingga iti 150 a piyek ken maikkan ti tallo a bag ti infinity feeds.
Naamoan a ti nasao a soft loan ket mabayadan iti uneg ti 50 nga aldaw wenno intono dumakkel dagiti piyek 50 ken mabalin dan a mailako.
Inpakaammo ni Malicad a dagiti mayat a manggundaway iti daytoy a program ket agturong da laeng iti City Agriculture Office tapno amwen no ania dagiti requirements a masapol nga isumitir da.
