LAOAG CITY – Agpada a nakaaramid ti 28 a puntos da Kyrie Irving ken Luka Doncic tapno naan-anay nga atiwen ti Dallas Mavericks iti serye ti Los Angeles Clippers.
Ti Mavericks ti nangkumpleto kadagiti nakastrek iti second round ti Western Conference.
Malaksid iti impresibo dagiti puntos da Kyrie ken Luka, nakaaramid met da P.J. Washington ti 14 a puntos, ni Daniel Gafford met ket addaan ti 13 ken ni Dereck Lively II ket kimmamada ti 10 a puntos ken siam a rebounds para iti Mavericks.
Idinto a nakapastrek met para iti Clippers ti 20 a puntos ni Norman Powell ken ni Paul George ket addaan ti 18 a puntos.
Nupay kasta, saan daytoy a nagbalin nga umdas tapno abaken ti agresibo nga aksion ti Mavericks.
Kabayatanna, makasango ti Dallas ti top-seeded nga Oklahoma City Thunder iti sumaruno a rikos.
