LAOAG CITY – Kinumpirmaran ni dati a senador Bongbong Marcos a nalpasen ti panagbilang da ti botos seknan ti election protest na iti kina-bise presidente.
Kunana a ti sumaruno nga addang da ket iti mangipakita ti ebidensya kas paset ti third cause ti election protests.
Segun kenkuana, inpasigurado na nga adda ti maipakita na nga ebidensya nga awan iti naaramid nga eleksyon kadagiti sumagmamano a lugar idiay ARMM.
Kabayatanna, saan na a nadakamat ti bilang dagiti butos.
Innayon na pay nga idi laeng Martes ket isu ti maika-sangaribo nga aldaw ti election protests na isut rason a nangipila daytoy ti “urgent motion” iti PET tapno ipresentar na ti ebidensya kas paset ti proseso ti election protest.
