LAOAG CITY – Temporaryo a nawaya-wayaan ni dati a Mayor Dolores Clemente iti Paoay, Ilocos Norte, karaman ti driver/bodyguard na a binigbig na laeng ti nagan na a Danilo.
Daytoy ti kinumpirmaran ni Police Senior Inspector Grandeur Tangonan, ti chief of police iti ili ti Paoay.
Inbatad ni Tangonan a temporaryo a winaya-wayaan da ti dati a mayor ken ti driver/bodyguard na kalpasan a nakapagpiyansa da seknan ti sangsangwen da a kaso.
Maipalagip a natiliw dagiti maseknan iti naiyuswat a search operations ti balay ti dati a mayor no sadinno a nakakumpiskar dagiti otoridad kadagiti nagduduma ti kalibre na a paltog ken balbala.
Nupay kasta, naideretso ti dati a mayor iti Mariano Marcos Memorial Hospital and Medical Center iti ciudad ti Batac gapu ta ngimmato ti blood pressure na ken ditoy nga inlungalong dagiti doctor ti pannaka-ospital arrest na.
Malaksid kada Clemente ken Danilo, nakasoan pay ti security guard ti balay ti dati a mayor ti obstruction of justice ngem saan nga inquest.
Segun ken ni Tangonan, umabot ti 280 a ribo a pisos ti pinagpiyansa ni Clemente idinto a 180 a ribo a pisos ken ni Danilo.
