LAOAG CITY – Naisublin ti 5 nga aldaw a panagtrabaho dagiti empleado iti gobierno lokal ditoy ciudad ti Laoag.
Daytoy ket kalpasan a nagsurat ni Mayor James Bryan Alcid iti Civil Service Commission (CSC) iti legalidad ken tapno malawlawagan iti implementasion ti 4-day workweek a maibasar ti Memorandum Circular No. 114 s. 2026 manipud iti Office of the President.
Segun iti city government, ti nagbalin a sungbat ti Civil Service Commission a napetsaan ti Abril 13, 2026, saanen a kasapulan pay ti panangaprobar da gapu ta naimplementar laeng daytoy gapu iti mapaspasaran a problema ken krisis.
Gapu iti daytoy, nangiparuk-at ni Mayor Alcid ti Memorandum 209 a napetsaan ti Abril 23, 2026 kadagiti heads of office ken empleado iti panagsubli ti 5-day workweek a nangrugi idi Abril 27, 2026.
Maipalagip nga iti naglabas a lawas ket naiyimplementar ti 4-day work week kas panangsurot ti mandato ni Presidente Ferdinand Marcos Jr. gapu iti mapaspasaran nga oil crisis.
