LAOAG CITY – Inyestorya ni Mr. Ariss Bataan Brgy. Pal-palicong iti siudad ti Batac ti kapadasan na kabayatan ti pagturong na iti opisina ti Ilocos Norte Electric Cooperative para iti death aid ti pimmusay nga ama na idi Nobiembre 7.
Kuna ni Bataan nga idi immuna a nagturong da iti INEC tapno agisubmitir ti nagan ti pimmusay nga ama na ken inbaga dagiti pannakabagi ti kooperatiba nga awan ti pondo.
Mainaig iti daytoy, inbatad na a kalpasan ti sumagmamano nga aldaw ket nakaawat da ti text message a mangibagbaga nga iproseso da dagiti dokumento.
Inpakaammo na a daytoy ti dagus nga inramid da iti kabsat na ken kalpasan na ket inbalakad ti nasao nga opisina a matawagan da para iti pannakaala ti death aid.
Nu pay kasta, kuna ni Bataan nga agpapan ita ket awan pay ti tawag manipod iti INEC.
Naamoan a lima a ribo a pisos ti maala koma a death aide ti pamilya Bataan para iti pimmusay nga ama da a maysa a member consumer iti nasao a kooperatiba.
