LAOAG CITY – Inpasigurado ti Philippine National Police (PNP) a saandan a kasapulan ti baro a manhunt team para iti panagbirok ken ni Senador Ronald dela Rosa a manarimaan a birbiroken dagiti otoridad.
Segun ken ni Philippine National Police Gen. Melencio Nartatez Jr. nga addan ti agdama nga operational units a mangbirbirok iti Senador isu nga inpettengna a saanen a kasapulan a nayonan ti manhunt teams.
Inbatadna nga agtultuloy a suksukisokenda dagiti amin a mabalin nga impormasion mainaig iti paglemlemmengan ti nasao a Senador.
Inlawlawag pay ti Police Chief a naisubmitiren dagiti amin a resulta mainaig iti imbestigasion ti Department of Justice (DOJ) iti panagian ni Dela Rosa iti Senado idi Mayo 12 ken ti panaglibas daytoy kadagiti kameng dagiti otoridad iti oras ti 2:30 ti parbangon idi Mayo 14.
