LAOAG CITY – Nangipakita ni Mayor Edmar Vincent Bonoan iti ili ti San Nicolas ti napintas a pagtuladan tapno makainot ti gasolina.
Daytoy ket iti babaen ti panagmotorna ken pannagnana a mapan iti opisina ken agpasyar kadagiti nagduduma a proyekto ken pasdek ti gobierno.
Gapu iti daytoy, adu ti nangdayaw iti Mayor kabayatan ti pannakakitada kenkuana a naka-motor ken magmagna a mapan iti munisipyo.
Patien ti mayor a ti panangirugina daytoy ket makita ken sumurot dagiti umili a kas napintas a pagtuladan.
