LAOAG CITY – Mamati ni Dr. Renato de Castro, defense analysts ken distinguished professor ti Department of International Studies iti De La Salle University (DLSU) a rumbeng nga iparuk-at ti Department of Foreign Affairs (DFA) ti naglaonan ti provisional memorandum of understanding (MOU) a maipagarup naaramid iti nagbaetan ti Pilipinas ken China idi Hulio 2024.
Ti rakurakna ket kalpasan ti insidente iti Ayungin Shoal no sadinno ket dua kadagiti Pilipino a suldado ket nagsagaba ti sugat kalpasan a namalo daytoy ti baton dagiti miembro ti China Coast Guard (CCG).
Inpetteng ni de Castro a no umno ti dinakamat ni Chinese Ambassador Jing Quan mainaig iti provisional MOU ket rumbeng nga ipakaammo ti DFA iti publiko ti eksakto a linaonna daytoy.
Immunan nga inbatad ni Jing Quan nga immasideg ti CCG gapo iti maipagarup pannakakitada iti manarimaan a kontruksion iti BRP Sierra Madre a segun kenkuana, daytoy ket panaglabsing iti nagsaritaan ti Pilipinas ken China.
Malaksid iti daytoy, madanagan pay ni Castro iti nagbalin a rakurak ti embahador gapu iti agpampammarang ket masapol pay ti pammalubos ti Pilipinas nga aggapo iti China no adda ti maiwayat a resupply mission.
