LAOAG CITY – Pabor ni Schools Division of Ilocos Norte Supt. Mrs. Vilma Eda ti pannakaipatungpal ti Mandatory ROTC para kadagiti estudyante ti Grade 11 ken Grade 12.
Daytoy ket kalpasan a naipasa iti akin-baba a pagpandayan linteg ti kongreso ti mandaroty ROTC para iti maikatlo ken maudi a pannakaibasa na.
Kuna na a rumbeng laeng a maipatungpal daytoy tapno maipaayan ti umno a disiplina dagiti estudyante gapo ta makita na a dakkel ti epekto dagiti makitkita da iti internet ken dagiti gadgets.
Segun kenni Eda, maipaayan dagiti agtutubo iti furom ken training para ti pannakapadur-as dagiti bagbagi da.
Mainaig iti daytoy, inpasingked na a no maaprobaran ti mandatory ROTC ket masapul iti pannakaprebentar dagiti agtutubo a posible a manggundaway iti nasao a programa kas iti panagdangran iti pada da nga agtutubo wenno pannakaabuso da.
