LAOAG CITY – Nangisyu tu Department of Education (DepEd) ti maysa nga internal memorandum a mangibilbilin kadagiti amin a regional at division offices nga inaganan amin dagiti mangisurauro a karaman iti Alliance of Concerned Teachers (ACT).
Daytoy ti grupo a nangipila ti reklamo iti maysa nga international body seknan iti maipagarop a panagred-tag ni Education Secretary Sara Duterte kadakuada.
Basar iti nasao a memorandum nga inisyu ni Undersecretary for Operation Revsee Escobedo idi Hunyo 14, mandato kadagiti amin a regional directors ken school division superintendents a mangisubmitir ti listaan dagiti mangisursuro nga affiliated iti grupo a parte ti Automatic Payroll Deduction System ti ahensiya.
Inkeddeng ti DepEd ti deadline para iti panangisubmitir ti nagan dagiti miembro iti grupo idi Hunyo 21.
Ti nasao nga addang ti Alliance of Concerned Teachers ket namunganay iti panangakusar ni Education Secretary Duterte iti nasao a grupo dagiti mangisursuro iti maipagarop a panangsuporta da iti Communist Party of the Philippines idi inrakurak ti grupo ti suporta na para iti maysa a lawas a transport strike nidi bulan ti Marso ita a tawen.
Daytoy ket ti dadduma pay nga statement ni Duterte a maipagarop a nang-red tag iti grupo ti nangiduron kadakuada nga iyuli iti a International Labor Organization idi Abril a manggutgutigot iti United Nations body a bumallaet gapo iti posible a pangta iti natatadem a sarita ti sekretaryo.
