LAOAG CITY – Nakasagana ti Department of Foreign Affairs (DFA) a sungbatan iti Senado dagiti saludsod mainaig ti provisional understanding ti Pilipinas ken China iti Ayungin Shoal, kasaruno ti pannawagan nga imbestigasion ti katulagan.
Inpila ni Senator Francis “Kiko” Pangilinan idi Hulio 27 ti proposed Senate Resolution No. 536 nga agkiddaw ti imbestigasion tapno maamoan no maiyataday ti arrangement iti 2016 arbitral award ken no ana ti epekto daytoy iti sovereign rights ti pagilian iti West Philippine Sea.
Immunan nga inbatad ti Department of Foreign Affairs (DFA) a ti provisional understanding ket maysa a “set of principles and approached” a gagemna a maliklikan ti saan a pinagkinnaawatan ken saan nga umno a kalkulasion kadagiti resupply mission nga agturong iti BRP Sierra Madre.
Inpetteng ti ahensia nga ilabanna ti soberania ken dagiti karebbengan ti Pilipinas iti West Philippine Sea.
Kabayatanna, nagtinnulag ti Pilipinas ken China a ti arrangement ket “does not prejudice national positions.”
Paset ti Ayungin Shoal ti exclusive economic zone ken continental shelf ti Pilipinas iti babaen ti United Nations Convention on the Law of the Sea ken ti 2016 Arbitral Award.
Kabayatanna, daytoy ket kas maysa a low-tide elevation, daytoy ket awan ti bukodna a maritime entitlement ken saan mabalin a tagikuaen ti sabali nga estado.
