LAOAG CITY – Mangiyuswat ti Department of Health (DOH) ti anti-measles ken rubella vaccination drive ditoy Region 1 (Ilocos Region) inton Agosto 10 agingga 28 ita a tawen.
Ti aktibidad a Measles-Rubella Supplemental Immunization Activity (MR-SIA) ket targetna dagiti amin nga ubbing nga agtawen ti innem agingga 59 a bulan tapno manayunan ti immunity ken maliklikan ti panagwaras ti sakit.
Segun Ken ni Regional Director Helen Tobias, Department of Health – 1 a ti panagballigi ti nasao nga aktibidad ket nakabasar iti panagtitinnulongda.
Gapu it daytoy, ginutigotna dagiti nagduduma nga indibidual ken ahensia nga adda iti likudan ti nasao nga aktibidad ti panagtitinnulongda para ti naurnos ken natalged a pannakaisayangkat ti immunization campaign.
Kabayatanna, manamnama ti pannakai-deploy dagiti vaccination teams kadagiti barangay health stations, rural health units, pagadalan, daycare centers ken kadagiti temporary vaccination sites.
Mainaig iti daytoy, inpetteng ti Departmento a ti measles-rubella vaccine ket natalged, epektibo ken libre.
