LAOAG CITY – Nagpanawagan ti Department of Justice kadagiti adda iti babaen ni Pastor Apollo Quiboloy a saanda a lappedan dagiti otoridad a mangipila ti Warrant of Arrest kontra iti Pastor.
Basar iti ahensia, ar-aramiden laeng ti pulisia ti trabahoda ken daytoy ket paset pay laeng iti trabahoda.
Inaramid ti Department of Justice ti rakurak kalpasan a lappedan dagiti miembro ti Kingdom of Jesus Christ ti panangipila ti Philippine National Police kontra iti aglemlemmeng a Pastor.
Gapu iti napasamak, nagpakita ti pulisia ti puersada iti panangiserbi daytoy.
Mamati ti ahensia a saan koma daytoy a mapasamak no boluntario a sumuko ti Pastor kadagiti otoridad tapno sangoen dagiti kasona.
Maipalagip a ni Quiboloy ket sumangsango kadagiti kaso a Child ken Sexual Abuse pakairamanan ti qualified human trafficking.
Kabayatanna, no bilang dagiti kaso ket maipagarup nga awan ti pangibasaranna, ti korte mismo ti agdesision a mangideklara ti panagbalinna nga inosente.
