LAOAG CITY – Nagkari ni Department of Tourism (DOT) Secretary Christina Frasco iti ad-adda nga inklusibo ken sustainable tourism industry para kadagiti turista.
Iti maysa a mensahe, inpasigurado ti industriya a mangilatang da iti ad-ado a trabaho ken napinpintas a travel experience iti man domestic wenno foreign tourists.
Kuna na pay nga agtalinaed a commitment ti Department of Tourism a pasayaaten ti sektor ti turismo tapno saan a maudi iti baro a panawen ken makatulong a mangpadur-as ti ekonomiya ti pagilian.
Ginutigot pay ti sekretaryo ti publiko a pagtalinaeden a patriotic spirit dagiti naidumduma a tradisyon dagiti Pilipino.
Segun ken ni Frasco, nagserbin a guide dagitoy tapno malabanan ti nagduduma a karit kadagiti naglabas a tawen ken nagbalin a pundasyon tapno ad-adda a kalikagoman ti napinpintas a masakbayan.
Mainaig iti daytoy, ginutigot manen ti sekretaryo ti publiko nga ipateg ti Pilipinas babaen ti panangipannakkel ken panangiyam-ammo ti kinapintas iti pagilian.
