LAOAG CITY – Nakasagan ni Department of Public Works and Highways (DPWH) Secretary Vince Dizon a makikooperar iti National Bureau of Investigation (NBI) mainaig iti imbestigasion iti maipagarup anomalia iti 2019 Southeast Asian Games.
Inpettengna a nadalos ti konsensiana iso nga nakasagana daytoy a makikooperar no mangi-isyu ti subpoena ti National Bureau of Investigation kas paset ti panangtingitingda iti nadakamat nga isyu.
Innayonna pay a naibasuran ti reklamo a naipila kontra kenkuana ken kadagiti dadduma pay nga opisial idi paylaeng Disiembre 2021 iso a mamati daytoy a nasayaat ti pannakaipasdek ti nadakamat a pasilidad.
Maipalagip a ni Dizon ti nangidaulo ti Bases Conversion and Development Authority, a nangipatungal ti pannakaipasdek ti sports facilities iti New Clark City.
Naisubli ti kontroberia ti 2019 Southeast Asian Games kalpasan ti rakurak ni National Bureau of Investigation NBI Director Melvin Matibag nga imbestigaranda ti maipagarup anomalia iti pannakaipasdek ti nadakamat nga sports facilities.
