LAOAG CITY – Kalikagum ti dua a benepisiario ti Young Filipino Farmer Leaders Training Program iti Japan nga ibinglay dagiti nasursuro da.
Daytoy ket kagiddan ti panangur-uray da ti seed money nga ipaay ti Agricultural Training Institute kadakuada kalpasan a maisumitir da ti project proposal dagitoy.
Dagiti benepisiario ket da Mr. Leiver Jay Macatumbas, agtawen ti 26, residente iti Brgy. 20 iti ili ti San Nicolas ken ni Mr. James Karl Tomas, agtawen ti 23, residente iti ili ti Piddig.
Segun kadakuada, no maipasa da ti project proposal dagiti dua a pepper vibe ken rice production ket ipatungpal da nga insigida dagiti proyekto da.
Inpakaammo da a dagiti proyekto da ket makatulong a mangpadur-as ti panagtalon ditoy probinsia rason a napalaus ti panagyaman dagitoy iti gobierno probinsial ti suporta a maipapaay iti benneg ti agrikultura.
