LAOAG CITY – Nakaawat ti cheke nga agbalor iti P100K dagiti dua a centenarian ditoy ciudad manipud iti lokal a gobierno ditoy ciudad ti Laoag.
Nabigbig dagiti dua a centenarian a da Rita Pascual iti Brgy. 23 San Matias, ken ni Agrifina Tangonan ti Brgy. 39 Sta. Rosa ditoy ciudad.
Daytoy ket kalpasan a nadanon dagiti dua ti maika-100 a panagkasangayda iti daytoy a tawen.
Kabayatanna, naipaima pay ken ni Juan Rasalan iti Brgy. Buttong ti P25,000 kalpasan a nalab-awanna ti centenarian age wenno nagkasangay daytoy iti maika-101 a tawenna.
Maipalagip nga ado dagiti nagbalin a centenarian awardee ditoy ciudad agpapada dagiti sikretoda no apay nadanonda ti nadakamat a tawen.
