LAOAG CITY – Nakapyansan dagiti dua a lallaki a natiliw babaen ti warrant of arrest idiay Bangui, Ilocos Norte.
Nabigbig dagitoy a da Daniel Castillo y Suniga, 40, naasawaan, bus driver ken ni Eddie Soriano y Castillo, 40, naasawaan, mannalon ken agpada a residente iti Brgy. Malasin iti nasao nga ili.
Umabot ti 10 a ribo a pisos ti tunggal maysa ti pyansa a nairekomendar kadagiti maseknan.
Ummuna iti daytoy, natiliw dagiti dua babaen ti bileg ti Bench Warrant of Arrest a napetsaan ti Hulyo 18, 2019 nga inparuk-at ni Hon. Judge Felix Salvador of Regional Trial Court, Branch 19, iti ili ti Bangui.
Daytoy
ket gapo iti pannakapaay da nga
agatendar iti panagdengeg
seknan iti kaso na mainaig iti panaglabsing iti RA
9165.
