LAOAG CITY – Dua dagiti nasugatan gapu ti paputok sakbay ti panagsarabu ti baro a tawen idi rabii.
Iti report manipud iti Bacarra Municipal Police Station, nabigbig dagiti biktima ti paputok ti dua a lallaki, maysa ti agtawen ti 15, kenni Jay-Ar Aquino y Natividad, agtawen ti 22, ken agpada a residente iti Brgy. Tubburan iti nasao nga ili.
Basar iti imbestigasyon dagiti kameng ti PNP Bacarra, adda iti ruwar ti pagtaengan dagiti dua a lallaki ken nagay-ayam da ti paputok a maaw-awagan ti dart bomb idi ta kellaat a pimmutok.
Gapu iti daytoy, nagsagaba ti sugat iti akin kannigid nga ima ti menor de edad idinto a nasugatan ti akin kannawan a tumeng ti baro.
Dagus a naitaray da iti Bacarra Municipal Health Office para ti naan-anay a pannakataming dagitoy.
