LAOAG CITY – Inadmitir ti Commission on Elections (Comelec) a kasapulan ti nayon a pundo no bilang nga itantan ti Barangay ken Sangguniang Kabataan Elections.
Daytoy ket iti baet ti singasing ti sumagmamano nga i-postpone pay laeng ti eleksion gapu iti epekto ti krisis iti Middle East.
Inbatad ni Commission on Elections Chairman George Erwin Garcia, nupay 85 a porsiento a nakasaganadan ket awan ti maaramidanda no Kongreso ti agdesision nga itantan pay laeng ti eleksion a naikeddeng inton Nobiembre 2.
Iti baet daytoy, agkiddawda manen ti nayon a pundo gapu kadagiti gastosen kas baro a panagparehistro, nayon a presinto, dagiti kagamitan, balota ken dagiti mangisursuro nga agserbi iti eleksion.
Kunana nga umabot ti agingga iti tallo a bilyon a pisos ti kasapulan iti maysa a reset wenno pannakaitantan ti Barangay ken Sangguniang Kabataan Elections.
