LAOAG CITY – Kritikal dua a lalaki kalpasan ti napasamak a pammaltog iti asideg ti Buttong Elemetary School iti Brgy Buttong ditoy siudad ti Laoag.
Nabigbig ti driver a ni Rollo Corpuz a residente ti Brgy 5 San Vicente iti ili ti Sarrat kenni Jonathan Bagamaspad a residente ti ili a Dingras.
Segun ti impormasyon a nakalap ti Bombo Radyo Laoag, riding in tandem ti nangpalto-paltog kadagiti dua bayat a nakalugan da iti Honda Jazz nga addaan ti plaka VEA 142.
Agtultuloy a maag-agasan dagiti dua kalpasan a nagsagaba da ti nakana a sugat kangrunaan kenni Corpuz.
Agtultuloy met ti imbestigasyon dagiti otoridad mainaig iti daytoy a pammaltog.
Immunan a kinumpirmaran ti maysa a residente iti nasao lugar a nakangeg da ti putok ti paltog iti asideg da.
