LAOAG CITY – Dua a ribu nga indibidual ti nanggundaway iti job fair nga insayangkat ti MECO-DMW Job Fair wenno
Manila Economic and Cultural Office – Deprtment of Migrant Workers iti Centennial Arena.
Agarup 12 nga ahensya dagiti nangidiaya ti trabaho abroad kadagiti umili.
Daytoy nga aktibidad ket naiyuswat babaen pay ti kooperasyon ti opisina ni Congressman Sandro Marcos a kas paset ti selebrasyon ti maika-107 a panagkasangay ni dati a Pres. Ferdinand Marcos Sr.
Nagatendar iti nasao nga aktibidad ni Atty. Selvestre Bello III, Resident Representative and Chairman of the Manila Economic and Cultural Office (Philippine Ambassador to Taiwan) – former Labor Secretary of the Philippines.
