LAOAG CITY – Nagballaag ti EcoWaste Coalition kadagiti ubbing ken nagannak kontra iti ‘chicken toy’ nga adda disposable nga injection na.
Inbatad ti EcoWaste Coalition ti ay-ayam ket narisgo kangrunaan na no ay-ayamen dagiti ubbing nga awan ti panangbayabay dagiti nataengan.
Ilaklako dagiti wholesaler ti ay-ayam iti balor a P150 ti kada pakete nga addaan ti 20 units wenno mailaklako iti P10 iti kada unit isut gapuna a kabaelan ti gumatang dagiti ubbing.
Inpetteng ti grupo a ti saan nga usto a panagusar ti injection needle ket mabalin a mabuttawan ti kudil, masugatan dagiti mata wenno mangitunda ti pannakaiwa ken graze.
Gapu iti daytoy, binalakadan ti grupo dagiti nagannak wenno guardian a masapol a basaen a naimbag dagiti label ti produkto karaman ti age suggestion ,warnings, instructions, ken license to operate number nga inisyu ti Food and Drug Administration.
