LAOAG CITY – Bimmayag ti garaw ti ekonomiya ti pagilian iti maika-dua a quarter ti 2026, daytoy ket kalpasan ti saan a napintas nga imahe kadagiti investors gapu iti epekto ti flood control corruption scandals ken inflation pressure bayat ti manarimaan a krisis idiay Middle East a nangitunda ti panagngato dagiti presio ti magatang ken serbisio.
Segun ken ni Philippine Statistics Authority (PSA) chief ken National Statistician Claire Dennis Mapa, ti ekonomiya ket nakabasar iti gross domestic product (GDP) wenno ti presio dagiti magatang ken serbisio ti pagilian no sadinno ket nairekordda ti panagngato iit 2.3% idi bulan ti Abril agingingga iti Hunio.
Kabaytanna, bayat ti panagbaba ti ekonomiya ti Pilipinas, inpetteng ni Department of Economy, Planning, and Development (DEPDev) Secretary Arsenio Balisacan a ti mapaspasaran a rigat ket temporario laeng ken paset ti panag-transition ti pagilian iti panagdur-as.
