LAOAG CITY – Natay ti maysa a lalaki kalpasan a napaltupaltugan iti likud iti Holy Spirit Academy ditoy ciudad ti Laoag.
Nabigbig daytoy a ni Kerwin Andres, business foreman iti Laoag City Commercial Complex ken residente iti Barangay 9 ditoy ciudad ti Laoag.
Segun ken ni Police Supt. Edwin Balles, chief of police ditoy ciudad ti Laoag, ti nasao a biktima ket dati a drug surrenderer.
Inbatad na a bayat iti panangiturturong ni Andres ti motorsiklo na iti likudan ti nasao a pagadalan ket ditoy a pinaltu-paltugan dagiti suspek a naglugan iti Honda Wave ken Yamaha Mio.
Kuna na a sinigurado dagiti suspek a matay ti biktima gapu ta dua pay a motorsiklo ti nagluganan da.
Innayon na nga iti inisyal nga imbestigasyon da ket maipagarop a 9mm ken kalibre 45 a paltog ti nausar iti krimen.
