LAOAG CITY – Inlawlawag ni Mrs. Estrella Baby Sacro iti Environmental and Natural Resources Office ditoy probinsya a natallugod dagiti ili nga awanan ti sanitary landfills nga agproseso tapno maaddaan da ti kastoy a pasilidades.
Kadwa ti ENRO iti Environmental Management Bureau a mapan agmonitor kadagiti lugar tapnon makita da no adda met laeng ti pagdur-asan na iti naaramid a sanitary landfill kadagiti nagduduma nga ili ken ditoy ciudad ti Laoag.
Segun kenni Sacro, pagsasaritaan da pay kadagiti kameng ti ENRO no ania iti napintas nga addang da tapnon dagus a maimplementar daytoy.
Innayon na pay nga iprayoridad da iti agmonitor kadagiti lugar nga awanan pay iti sanitary landfill tapnon maimplementar dagiti plano da para iti waste management control.
