LAOAG CITY – Naitantan ti biahe ti maysa nga eroplano idiay Portugal kalpasan a nakaruk-at dagiti 132 nga hamsters manipud kadagiti kartonda a cargo hold.
Ti insidente ket napasamak iti maysa a flight ti TAP Air Portugal manipud iti Lisbon nga agturong iti Ponta Delgada Airport.
Malaksid kadagiti pasahero, mangitugtugot pay ti eroplano kadagiti nagduduma a klase ti ayup pakairamanan ti hamster, ferret ken tumatayab a maikabil iti maysa a pet store.
Nupay kasta, apaman a makasangpet ti eroplano iti Ponta Delgada, naduktalan dagiti airport staff a dagiti hamster ket nakaruk-at iti cargo hold ti Airbus A320.
Gapu ta posible a kagaten dagiti hamster dagiti electrical wire ti eroplano, nagdesision dagiti opisial nga i-ground ti eroplano iti eropuerto para iti kinatalged.
Dimmanon ti uppat nga aldaw dagiti staff tapno biroken ken tiliwen dagiti nakaruk-at nga hamsters.
Kalpasan ti naiget nga inspeksion ken panagdalos, nakasubli iti Lisbon ti eroplano.
