LAOAG CITY – Nangipeksa ti panagdanag ni United States Secretary of Defense Lloyd Austin iti pannakairaman dagiti United Nations peacekeepers idiay Lebanon.
Iti naiyuswat a taripnongna ken ni Israeli Defense Minister Yoav Gallant a napateg nga agbalin a natalged dagiti United Nations Interim Force in Lebanon (UNIFIL) forces.
Napateg a baliwan dagiti suldado ti Israel ti istratehiada tapno saan a mairaman dagiti United Nations Interim Force in Lebanon forces.
Nagpanawagan daytoy iti Israel a nasken a matulungan dagiti agkasapulan ti tulong iti Gaza.
