LAOAG CITY – Nakairekord ti Louisiana Department of Health idiay Estados Unidos ti kaunaan nga idibidual a pimmusay gapu iti bird flu.
Basar kadagiti eksperto, ti pasyente ket na-expose iti non-commercial backyard flock ken wild birds kabayatan a dumaldalan iti medikal a kasasaad gapu iti tawen na nga 65.
Idi napan a bulan ti Disiembre 2024, kinumpirmaran ti Centers for Disease Control and Prevention a ti pasyente ket isu ti umuna a kaso a naaddaan ti severe bird flu iti Estados Unidos.
Mainaig iti daytoy, iti kaudian a datus ti Centers for Disease Control and Prevention, nairekord da ti 66 a human cases ti bird flu.
Sakbay iti daytoy, immunan a nagballaag ti health agency ti Estados Unidos idi napan a bulan ti Abril 2024 gapu iti panagraira manen ti human cases ti bird flu wenno avian influenza.
Sumagmamano kadagiti kadawyan a sintomas ti nasao a sakit ket ti sore throat, panaguyek, gurigor, runny wenno stuffy nose, panagsakit ti ulo, susu-op ken bagbagi, panagulaw ken pannakarigat nga aganges, idinto a manmano laeng a makapasar ti panag-vomit, panagtakki ken panagulaw.
