LAOAG CITY – Kinasoan ti chief prosecutor ni dati a Brazilian President Jair Bolsonaro gapu iti pananggandat na iti kudeta kalpasan a naabak iti 2022 presidential election.
Napilaan ti lima a kaso ti agtawen ti 69 a dati a presidente ti Brazil gapu iti maipagarop a pananggandat a lapdan ti panagtakem ti sumukat kenkuana iti pwesto a ni President Luiz Inácio Lula da Silva.
Naamoan a dagiti kaso ket pakairamanan ti alegasyon a plinano ni da Silva a sabidungan ni Lula ken ti pannakapaltog a poon ti nakatayan ni Supreme Court Justice Alexandre de Moraes.
Nupay kasta, naiget a naglikudan amin ni Bolsonaro dagiti alegasyon kenkuana, ken inpetteng na a biktima laeng daytoy ti political persecution.
