LAOAG CITY – Sinuportaran ni Senador Christopher “Bong” Go ti expanded Animal Bite Treatment (ABT) package nga ididiaya ti PhilHealth iti maibagbaga a panawenen daytoy gapu iti manamnama a panagngato ti kaso dagiti kagat ti ayup ita nga hot and dry season.
Mainaig iti daytoy, kas mangidadaulo ti Senate Committee on Health, inpetteng ni Go a napateg ti usto a medical care kadagiti kagat ti ayup nangruna kadagiti lugar a nasusulinek a kurang iti pannakaipadanon ti serbisio.
Iti kallabes, inpangato ti PhilHealth ti ABT benefit package daytoy iti P5,850, manipud iti P3,000 para iti ad-adda a komprehensibo a coverage kadagiti biktima ti animal bite pakairamanan ti post-exposure prophylaxis, wound care, rabies vaccine ken immunoglobulin, tetanus shots, ken antibiotics.
