Nagballaag Food and Drug Administration (FDA) a kontra iti panaggatang ken panagusar iti saan a nairehistro a herbal a supplement a “Parasitox Anti-Parasite Cleanse Detox Premium Herbal Formula.”
Segun iti Food and Drug Administration Advisory No. 2024-1657, daytoy a produkto ket awan ti umdas a dokumentasion wenno rehistrasion manipud iti ahensia tapno masigurado a natalged ken epektibo daytoy para iti panagusar ti publiko.
Nagpalagip ti ahensia iti publiko a dagiti saan a nairehistro a produkto ket mabalin a mangpataud iti negatibo nga epekto iti salun-at gapu ta saan daytoy a dimmalan iti FDA testing.
Kabayatanna, ginutigot ti Food and Drug Administration ti publiko a liklikan ti agkonsumo iti produkto.
