LAOAG CITY – Temporario a linappedan ti maysa a federal judge idiay Boston ti pammilin ni United States President Donald Trump a mangipawil kadagiti gangannaet nga estudiante a simrek idiay Estados Unidos tapno agbasa idiay Harvard.
Inbatad ni Judge Allison Burroughs, ti pammilin ket mangitunda ti saanen a maiyurnos pay a problema ken aglabsing iti umuna a desision ti Korte.
Inamendaran ti Harvard ti nasao a kaso, rumrummuar nga ilegal ti panag-target iti pagadalan ken kadagiti internasyonal nga estudiante daytoy a bukbuklen iti sumurok maysa ket kagudua a populasion.
Immuna iti daytoy, inpaganetget ti administrasion Trump a daytoy ket para iti nailian a seguridad ken inakusaranna ti Harvard ti koneksion kadagiti gangannaet a kalaban ngem naiget a naglikudan daytoy ti unibersidad ken kunana a panangibales daytoy ti gobierno gapu ta nagkedkedda a sumurot iti pulitika.
