LAOAG CITY – Manamnama ti panangbisita ti Foreignton High School idiay Hawaii dagiti uppat a sekondarya a pagadalan ditoy probinsya a pakairaman ti Cadaratan National High School, Solsona National High School, Nueva Era National High School ken San Nicolas National High School.
Daytoy ket tapno makaala ti exchange students a mapan it nasao a pagadalan iti isla ti Hawaii.
Kinumpirmaran daytoy ni Mrs. Matilde Neri, head ti Provincial Education Office babaen ti koordinasyon da iti Department of Education (DepEd).
Nupay kasta, inbatad na nga awan pay ti eksakto nga iskedyul iti kada pagadalan no kaano ti ibibisita da.
Naamoan nga intono Marso 21-23 ket umay dagiti administrators ti nasao a pagadalan para iti nasao nga addang tapno maited da dagiti kwalipikasyon no siasinno dagiti mabalin a mapan agadal idiay Hawaii.
