LAOAG CITY – Inbatad ni Ms. Mary Joy Nalagon, Bombo International News Correspondent iti Indonesia a posible a nairanta ti napasamak a forest fire iti West Kalimantan Indonesia.
Ti forest fire ket napasamak idi kalman, Setiembre 1 nga immabot ken nakaapektar iti agduduma a paset ti Luzon ken Visayas iti pagilian.
Kunana nga adda dagiti sayangguseng a ti forest fire ket para iti pannakaipalawa ti oil industry a palm oil gapu ta ad-adda a sumayaat ken pumintas ti panagtubo no mauram daytoy.
Mainaig iti daytoy, saan pay masinunuo no daytoy ket pakaggapuanan ti pannakaipalawa ti negosio wenno gapu iti nabara a panawen a mapaspasaran idiay Indonesia.
Nupay kasta, nangitunda daytoy ti dakkel a pannakadadael ti uram gapu ta addo a wild animals ti naapektaran aglallalo ta umabit daytoy iti pagilian.
Innayonna a daytoy ket maysa iti kadakkelan ken delikado a forest fire gapu ta umabot iti hazardous ti air quality ken naapektaran pay ti pagilian.
Kabayatanna, awan pay nairekord a pannakatay ken ar-aramiden ti Indonesia government ti kabaelanda tapno sebseben ti delikado ken makapatay a forest fire.
