LAOAG CITY – Kinumpirmaran ni Ombudsman Jesus Crispin “Boying” Remulla nga inaprobaranen ti Anti-Money Laundering Council (AMLC) ti kiddaw daytoy a freeze order kadagiti sanikua ni dati nga House Speaker Martin Romualdez.
Inbatadna a naikabilen ti Anti-Money Laundering Council ti freeze order iti Court of Appeals.
Immunan nga inrakurak ti Anti-Money Laundering Council a nangiparuk-atdan ti freeze order iti maysa nga agpanpanday linteg gapu iti koneksion daytoy iti anomalya iti flood control projects.
Sakup ti freeze order ti 25 a bank accounts ti agpanpanday linteg, 10 nga insurance policies a nakarehistro iti nagan daytoy, 27 a bank accounts, 10 nga insurance policies ken investment account iti babaen ti nagan ti agpanpanday linteg.
Karaman pay ti dua a bank accounts, pito a property accounts ken real estate property a nakarehistro iti babaen ti corporate entity.
Innayon pay ni Remulla nga addan ti innem a kaso nga adda ti pakainaiganna iti flood control scandal ti ipila inton sumaruno a lawas.
